Special Report on Kachin Refugee

Sevendays News Journal kaw nna Hpyen Yen Tsin yam ni hte seng ai issue hpe laksan maisau pa shajan langai mi shapraw da ai re. (7Days News)

The Dictators are smarter than you think

Ninggawn Daru Magam Up sha ai ni gaw nang shadu ai hta grau zen ai ni hkrai re da. (Read in English)

Daily News

May 31, 2012 shani na shiga ni (Daily News of May 31)

 

Htunghking Hpung ni Simsa lam hpyi shawn

Myitkyina, Shatapru kaw dapjung ai Jinghpaw Wunpawng Htunghking hpung hku nna Myen Mung Asuya de simsa lam galaw na matu hpyi shawn laika ka shalai sai.

ျပည္သူ႔ဂုဏ္ရည္ဆု ဆရာေနာ္မိန္းရ

Daily News

Shani shagu na shiga ni (Daily News on May 25 – 2012)

Agreement between CNF and Burmese Government Agent

CNF (Hkang Rawt Malan Hpung) ni hte Myen Mung Asuya simsa lam tam komiti hpaawn langai rai nga ai, Oo Aung Min wa hku nna myit hkrum ta masat htu da ai lam ni re. Myen hku hti yu ga. Panglong Gashadi a lam mung lawm taw nga ai. (Agreement between CNF & Burmese Govt (May 07 – 2012))

KNO Ndau Laika

Jinghpaw Wunpawng Amyusha Hpung ginjaw zuphpawng kaw nna ndau laika shapraw dat sai re. (Jinghpaw Wunpawng Amyu Sha Hpung Ginjaw hpawng ndau laika-21st May 12)

Myanmar a gram sharai masa grau dam lada wa na lam US yaw shada nga ai lam

US looks to broaden reform in Myanmar

New Straits Times

Washington,  May 12, 2012

Ya Myanmar mungdan e reform galaw hpang wa ai aten hta,  gram sharai ai lam hta na pru wa ai akyu ara hpe rap ra ai hku mungshawa yawng hkam sha lu hkra, ngu US myit mada nna shakut nga dingyang rai nga ai. US a masa hpe sawn shalat nna mahkyen lajang ai ni a myit hta Miwa a kasi kaw na sharin la lu ai lam langai mi gaw, kaang madung tai ya nga ai: dai gaw, dai ni Munghpawm e ndai zawn reform uphkang masa gram sharai wa ai lam gaw, mungdan hta Miwa hpe kamhpa ra mat wa ai lam nau kaba mat wa ai gam maka a majaw rai nga ai.

US ningpawt hpang nna laiwa sai masum ning hta sumtsan kasa n-gun shapraw let, Miwa a npu de du shang mat wa ai gam maka ladu lai mat wa na tsang ai kaw nna Munghpawm hpe gang garawt shaw la na matu shakut garum hpang wa ai lam re. Dai ni mung, European Union, Japan hte Canada ni hte laklai shai nna, US mahtang jahkrat mara tawn nga ai sanction law malawng hpe n dawm kau nga ai. Laiwa sai laning hta n mai byin na re ngu chye na ai lam ni dai ni byin wa nga ai, teng ai; DASSK ya Parliament ra-lata hkam kasa rai sai.

Raitimung, mungdan ga jarait mayan hkan na Munghpawm Malawm amyu ni hte gasat gala majan byin ai lam hpe n jahkring lu ai manghkang naw nga nga ai. Ndai lam byin nga ai  shara hkan Tatmadaw a daw chyen ni mung shawa hpe tara tawt lai ai hku zingri zingrat di nna shayak nga ai lam Human Right seng masem ai mungkan hpung ni tang dan nga dingyang rai nga ai.

Myanmar hte seng ai Deputy US Policy Coordinator, W. Patrick Murphy wa ning nga nna ya hte  tsun ai, ” Ga jarit marawn na anhte a ningrum ningtau manang amyu ni ning nga tsun nga ma ai, ‘Myanmar lawu daw galaw mat wa ai reform gaw, anhte  nga ai ga jarit marawn de n du pru nga ai, akyu n hkam sha lu ai,’ ngu ai lam re. “Reform a akyu ara hpe mungdan shawa yawng rap ra garan ginchyan hkam sha lu ra ai; reform a lam hta jan nna shinggan de na shagun jaw ai garum ntum akyu ara ni hta mung, simsa wa nna byin pru wa na sut lam galu kaba akyu ara ni hta mung, dai hte maren, yawng akyu hkam sha lu ra ai. Gasat gala lam a majaw ya shinggan de na garum jaw ai lam garai n hkrang ai lam hpe lawan sharai ra ai.”

Myanmar atsuya a myit hta reform grau n-gun kaba hte galaw mayu wa u ga ngu myit mada let, US gaw,  Myanmar de sumtsan salang san masat ai lam bai hpang sana re, ngu nna lajang hpang dat sai. US Treasury rung e mung, US e pawt sharawt tawn ai NGO ni hpe garum ntum jaw lam gumhpraw shalai bang ai lam hpe pat jahkring ai tara hpe dawm kau sai re. Raitim, US kaw nna arang gun shang wa na masa (investment) hpe grai sadi nna she galaw sa wa na re; ndai lam ya garai n hpaw ya ai. US business maga de nna European hte Asian arang shang ai lam hta hpang hkrat wa nga ai, ngu shadut bu ma ai raitim, US atsuya gaw naw sadi nna yu yu ra ai, ngu tawn nga ai.

Human Rights hkan jep sagawn ai hpung ni yawng gaw US Gumsan Obama hpe, US investment chyinghka garai hkum hpaw ya, ngu shadut nga ma ai re. (Matsing: Mungkan ting hta US a investment atsam gaw kaba dik re, kaga ni yawng gumhpawn ai hta htam 20 daram grau kaba na re.) Washington rung na Human Rights Watch lit hkam Tom Malinsowski ning nga shadum nga ai, ” Miwa ni sut tam mat wa ai lailen gaw, maling mala hka shi hka nu yawng hpe jahten shabya nna galaw sha mat wa ai hpe mu lu nga ai. US nna sut tam na matu shang wa ai ni dai zawn jahten shaza ai lam hpe tsep kawp koi gam ra na re, shing ngu nna US government hpe shawng ga sadi jaw shangun ra ai. Miwa hte laklai nna shai ai hku, kaja ai hku, seng ang ai ni yawng a matu shawp ai hku galaw na lam ya naw mai shabyin nga ai re. Dai hku nna npawt hpang na ra nga ai. Ndai  hku myitsu myit gawp ai hku n sa yang, dai ni Miwa hpe n ju n dawng mat ai zawn, anhte hpe mung n ju n dawng mat na sha re.”

Georgetown University sarakaba David Steinberg gahtap shadum ai gaw, “Sadi sahka hte sut tam na shang wa ai hta jan nna, ya mungdan kata e shangu nga sai Miwa hpaga bungli a lapran tsang (middle class) a akyu chyu sha byin wa na hpe mung koi ra ai” nga shadum ai. “Shaning 1900-1999 lapran India masha hte mung, Miwa hte mung, mungdan mungchying ni rawt gabrawng ai hpe mu lai wa sai.  Maigan ni akyu hkam sha ai lam sha byin wa yang ya mung dai zawn rawt kabrawng ai lam bai byin na re.”

Masing: Ndai gaw dai ni US nna pru wa nsen rai nga ai. Anhte maigan nga ai ni tinang mungdan uphkang masa hkringmang ni hte matut mahkai, shadum jahprang hpang wa ai hta na akyu ara pru wa nga ai, ngu ai sakse mu lu nga ai. US a tsun shaga, sat lawat lam htai grai shai mat wa sai, malawm amyu ni a lam hpe tsang sharawt, kaang e hkra rai bang mat wa sai hpe mu ai.

Anhte Kachin ni grai shakut shaja nna ndai ningmu ningram ni hpe azin ayang myit yu let, ra ai zai ladat shapraw la nna shawng lam dat sa wa ga. Anhte a lit dai re.

Ga gale lajang nna tang dat ai SK. May 12, 2012

Simsa Kasa Journal

Hpyen Yen Dabang kawn shapraw ai simsa kasa journal nnan bai lu sai. Jinghpaw hku hpaw hti yu ga. (SIMSA KASA JOURNAL VOL-4 ISSUE-2)